Patienten hei am Land sinn et esou lues gewinnt, nodeems leschten Mount déi éischt Liwwerung vum neien kanadeschen Produzent Tilray ukomm ass an un d'Patienten ausgedeelt ginn ass. Sinn Stocken elo schonn erëm eidel, an Patienten sinn rëm déi wou drënner leiden mussen.
Dëst ass natierlech net déi éischte kéier an dowéinst stellt sech d'Fro : Wisou klappt dat net mat der Versuergung ?
Wan een bei eis Noperen an Däitschland kuckt, do gin et des Problemer schonn Joren net méi.
Éischtens gëtt et d'Cannabis Agentur déi da BfArM ënnersteet an zoustänneg ass fir d'Produktioun vun Medezineschen Cannabis an Däitschland.
Zweetens gin et sou genannten " Importateuren " also Firmaen déi vun der BfArM d'Erlabnis hunn Medezineschen Cannabis aus aneren Länner wei zb Kanada, Holland oder Portugal ze importéieren an un Apdikten ze verkafen.
D'Auswahl vun den verschiddenen Zorten ass och extrem grouss esou dass wierklech jiddereen den richtegen Profil fir seng Problemer fannen kann.
Hei am Land leeft dat ganz anescht, den Ministere de la Santé mécht en appel d'offre an waart dann of bis sech d'Firmaen mellen déi intresséiert sinn.
Dono wielen se eng Firma aus, en Cahier de Charge gëtt erstallt an dat war et.
Prozeduren fir dësen Produit kennen ze importéieren sinn laang, mee soulaang wei nëmmen den Ministere de la Santé sech dorëms këmmert an net genuch quantiteiten bestallt gin wäert den Risiko vun den Rupture de stocks ëmmer bestoen bleiwen an sech widderhuelen.
D'Unzuel vun den Patienten hei am Land déi mat medezineschen Cannabis traitéiert gin klemmt vun Joer zu Joer, mee d'quantiteiten déi bestallt gin net kritt en d'Gefill. Elleng an den éischten 4 Méint des Joer sinn 70kg verschriwwen gin.
An déi lescht Liwwerung am September waren knapps 28kg, an déi sinn elo fort.
Wat kéint een dogéint ënnerhuelen ?
Eng Idee wier et Patienten ab elo schonn doheem ubauen ze loossen ! Cannabis wäert jo souwisou kenne legal doheem ugebaut gin an nächster Zäit. Also wisou net elo schonn eng Ausnam machen bzw et fir Patienten toleréieren ?
Et gin genuch fäeg Leit hei am Land déi Geschäfter hunn wou een alles un Material an virun allem Erfarung, Erklärungen an allgemeng Hëllef fënnt dofir ewéi zb GreenPlace Grow Shop zu Esch-sur-Alzette oder The Red Calyx zu Reimech.
Eng aner Idee wier, änlech wei an Däitschland, Firmaen ze be opdroen sech em d'Importer ze këmmeren an esou sécher ze stellen dass ëmmer genuch Stocken zur Verfügung stinn. Wan dat an Däitschland mat 80.000 Patienten klappt, klappt et och hei mat eisen iwwer 600 Patienten.
Kommentare
Kommentar veröffentlichen